اتعرف على الوقت الصح لنشر المحتوى

2
1579
Cairo-Time-Social-Media-Times
Cairo-Time-Social-Media-Times

بتكتب بوست حلو جداً وبتقرر إنك تنزله على صفحات السوشيال ميديا بتستنى بعدها التفاعل …
مفيش تفاعل.. إيه دا بجد!
طب هعمل شير تاني للبوست عشان الي مشفش ياخد باله…
بردو ولا أي نتيجة!

بالرغم من إن صفحتك ممكن يكون عليها عدد كبير من المتابعين بس تفتكر إيه السبب إن محدش شافك؟
بص حضرتك واحد من ضمن أحد الأسباب المهمة جداً هو التوقيت الي بينزل فيه البوست.
التوقيت يعتبر عنصر مهم جداً جداً في شغلك، وبيفرق من براند للتانية وكمان على حسب نوع المتابعين ليك،

يعني الموضوع مش مجرد كتبت البوست والديزاينر ظبطلي الديزاين التمام فخلاص بقى أنا كدا في السليم.
بس أكيد في حل للمشكلة دي..

الخطوات الجاية حاول تطبقها و الموضوع مش صعب نهائي.

يا حلو صبح يا حلو طل 

زمان كان أول حاجة بتعملها أنك تقوم وتغسل وشك وتروح شغلك أو كليتك .. دلوقتي بقى أول حاجة تعملها تروح تشوف إيه اللي فاتك وأنت نايم وبتحاول سريعًا تاخد لفة وأنت بلتبس أو في طريقك في المواصلات، فحاول متتجاهلش الفترة الصباحية اللطيفة.

وقت الضهر يا محلاه

يعتبر أفضل وقت تقدر تنشر فيه بوستات من بعد الضهر لغاية بليل، يعني تقريباً من الساعة 3 لغاية واحدة بليل.

إيه وجهة النظر في كدا؟

أغلب الناس الي بتبدأ تمسك الموبايل أصلاً وتركز بتكون بعد الضهر، هتلاقي اللي طالع من شغله والي مخلص كليته والي راجع من قاعدة الصحاب ولعب دورين تلاتة بلاي ستيشن فيبصله بصة على Facebook ولا twitter قبل ما ينام.social-traffic-by-hour-of-day

 /blog.chartbeat.com/2016/08/31/when-should-you-post-on-social-media

لكن الصبح طبعاً الأغلب مش بيكون مش مركز، ولسة مفطرش ولا حتى شرب الشاي بلبن والقهوة بتاعته:D
عندك موقع زي Chartbeat عمل إحصائية نزل فيها نسبة الأعلى للمتابعين على السوشيال ميديا، وكانت النتيجة أن النسبة الأكبر كانت لبعد الضهر.

 

حدد متابعينك الصح وعلم عليهم
مهم جداً إنك تحدد معلومات عن المتابعين ليك وهي بتكون كالآتي:
– ذكور أو إناث
– الحالة الاجتماعية
– السن
– مستوى الدخل
– مستوى التعليم

الحاجات دي هتهمك في إيه؟

هتقدر تحدد المتابعين الي محتاجين يتعرفوا عن البراند بتاعتك وتتفاهم معاهم بسهولة.
ببساطة لو المنتج بتاعك بيتسهدف class A يعني لو بتبيع مثلاً ملابس أقل قطعة بخمس آلاف جنيه أكيد أسلوبك في المحتوى هيكون ليه طريقة، الرد على الرسايل والكومنتات بطريقة.

غير لو إنت براند تانية وجمهورك هو class B يعني قطعة الملابس ممكن أغلى حاجة آلف جنيه.Education level per publisher

www.buzzstream.com/blog/publisher-target-market.html

طيب دا بردو إيه علاقته بالوقت؟

أكيد طبعاً الوقت بيكون مختلف وعامل مهم وال social platform بردو ليها عامل.
أولاً: من ناحية التوقيت فأنت هتقدر تحدد تقريباً متابعينك هيكونوا فاتحين من الساعة كام لكام.
ثانياً: من ناحية الplatform فأنت بردو بتقدر تعرف مين بيعد عليها أكتر.

تقدر كمان تعرف من موقعStatista تعرف أكتر الplatforms الأكثر استخداماً ما بين الb2b
(business to business) و b2c) business to consumer).
ومن موقع buzz stream تقدر تتعرف على نتيجة تأثير مستوى التعليم في متابعة الصفحات على الفيس بوك.

 ركز على الplatform الي تجبلك تفاعل

الأغلب لما يحب يبدأ البيزنس بتاعه يقوم أول حاجة عاملها إيه؟!!

صفحة على الفيس بوك ويظبطها كدا ومروقها وبوستاتك وحركاتك ..
طب دا شئ عظيم جداً، بس ثانية هو إنت كدا خلاص مفيش إنستجرام طيب؟
دا إنستجرام طلع حاجة مهمة جداً…
ليه بقى؟
نسبة التفاعل على إنستجرام بتكون أعلى من فيس بوك وتويتر تصدق؟
طيب بص على الإحصائية دي كدا.

Instagram Study

locowise.com/blog/instagram-hits-11-month-low-growth-and-engagement-down

سنة 2016 موقع locowise قرر يعمل إحصائية عن نسب التفاعل ما بين Facebook، twitter و Instagram.
كانت النتيجة إن إنستجرام أعلى منهم من حيث نسب التفاعل وكانت النتيجة كالآتي:
إنستجرام: 0.84%
فيس بوك: 0.53%
توتير: 0.04%
يعني من الآخر اختار الplatform الصح ونشن عليه وابدء ظبط مواعيد بوستات عليها.

 

 تاني تاني إنستجرام أعلى من حيث التفاعل
معلش هو تكرار كتير بس للتأكيد، إنستجرام أعلى عشر مرات من Facebook من حيث التفاعل من حيث شير الصور والفيديوهات.facebook and Instagram engagment

buffer.com/library/instagram-growth

تقدر تتعرف على النسب دي وتتأكد بنفسك من الإحصائية الي قدامك بتبين نسب التفاعل بين إنستجرام وفيس بوك.

 في الإعادة إفادة
كنت من شوية بقلك إنه ممكن تعيد نشر البوست بتاعك وتعمله شير وميجبش تفاعل، طيب إيه رأيك لو فكرت تعيد صياغة الكلام أصلا يمكن يجيب نتيجة.

عندك tool تقدر تحدد ليك أي جميلة هتكون أفضل ليك، chenhaot.com هو واحد من المصادر الكويسة بس بتكون الحد الأقصي لعدد الكلمات 140 كلمة بتكتب في كل خانة الجملة اللي عايزها باختلاف الصياغة.
هو الموقع بقى هيعملك مقارنه ويقلك مين الأفضل للنشر.

ملحوظة: الموقع بيشتغل على الجملة الإنجليزية حتى الآن

 

 كتر من صورك على تويتر
إذا ذكرنا إنستجرام يبقى لازم يعني نتكلم عن twitter أكيد ليه نفس يعني 😀
معروف طبعاً إن للصورة عامل أساسي وبتجيب نسب تفاعل، حاول إنت بقى تظبط أكونت تويترعندك بصور خاصة للبراند بتاعتك لو إنت لسة في البداية؛ ومحتاج لعدد من المتفاعلين، لأن الصور بتزود عدد المتاعبين 9 أضعاف ودي نسبة محترمة طبعاً.total retweets by using images

www.stonetemple.com/twitter-engagement-umasked/#TwitterStudyResults

هتلاقي الإحصائية دي من موقع stonetemple بتبين ليك نسبة زيادة الretweets زادت كل ما بتنزل الصور.
وكمان لازم تخلي عدد الكلمات بتاعتك في الحد المعقول وإنت بيكون ليك حوالي 281 – توتير زود عدد الكلمات بعد ما كانت 140 حرف بس- حرف حاول متزودتش عنها بكتير ولا تقل أوي عنها.

 اختار الوقت الصح
ما دا الهدف من الكلام اللي فات، إنك تختار الوقت الصح، دا هيجي من خلال المتابعة المستمرة لآخر الإحصائيات الي بتبين أكتر الأوقات الي بيعد عليها المتابعين على السوشيال ميديا.Time-Spent-on-Social-Media-INFOGRAPHIC

www.digitalinformationworld.com/2019/01/how-much-time-do-people-spend-social-media-infographic.html
موقع digitalinformationworld عمل إنفوجراف لطيف بيوضح فيه نسب الأعمار الي بتعد بشكل يومي على السوشيال ميديا ومقارنة من سنة 2012 حتى 2018.
النتيجة كانت طبعاً سن الشباب من 16-24 سنة هم أكثر تفاعلاً، بعدهم من سن 25-34 وتفضل النسب تقل لغاية ما نوصل من سن 55-64 هم أقل تفاعل على السوشيال ميديا.
طيب إنت مش عارف لسة تشوف وتتابع الإحصائيات هل في أي طريقة تانية؟
أكيد طبعاً في …time of active users

بس بالرغم من أنها أداة لطيفة جدًا إلا أنها خادعة في بعض الأحيان لأنك لازم تكون حاطط استراتجية واضحة وتجرب أكتر من وقت علشان تعرف هل فعًلا الناس بتتفاعل علشان البوست حلو ولا علشان ده الوقت اللي كنت مواظب عليه باستمرار في أنك تنشر المحتوى بتاعك فيه. 

 اهتم بالرد من فضلك
مش معنى إنك خلاص بقى عندك متابعين كتير أو نسب الرسايل والكومنتات بتزيد فإنك كدا في السليم، لازم لازم لازم تهتم بالرد على كل الناس الي بتبعتلك، لأن دا سبب أساسي في نجاح وظهور البراند بتاعتك أكتر وأكتر، ومتحاولش تتأخر في الرد قدر المستطاع.

وفي النهاية عايزة اقدملك ملخص الكلام الي فات دا كله في إنفوجراف عمله موقع HubSpot لأغلب الsocial media platforms تقدر من خلالها تعرف الوقت المناسب لنشر المحتوى الخاص بيك.
شوفت الموضوع طلع سهل إزاي… 😀

 واخيرًا الموضوع مش مقاس واحد لكل الناس المقال مجرد وسيلة هتفتحلك عقلك على حاجات معينة علشان تستخدمها، خد اللي ينفعك وسيب اللي شايف أنه مش على مقاس البراند بتاعك.

 

 

2 تعليقات

ترك الرد

Please enter your comment!
Please enter your name here