هل الشغف نابع منك ولا من اللي حواليك | اتعرف على نظرية الالتزام والتحفيز

يا ترى بتشتغل علشان الفلوس ولا علشان حلمك؟

0
773
Maslow-needs-pyramid
Maslow-needs-pyramid

في بداية حياتنا واحنا بنتعلم المشي عقلنا بياخد وقت كبير علشان يستوعب الي بيحصل ووصولنا للنقطه دي بيخلينا نسأل , هل هوا بيكون راجع للتحفيز ولا الالتزام على المحاوله لحد الوصول؟

نقدر نطبق المثال دا علي كل حاجه في حياتنا , اننا نصحي 6:30 الصبح عشان الشغل هل دا بسبب ان في حافز ولا دا بسبب الالتزام بالواجبات الي علينا و غيره من الامثله الكتيره , عشان كدا احنا النهارده هنتكلم عن التحفيز و الالتزام بالتفصيل و ايهما احسن و هل الاتنين ينفعوا يكونوا مع بعض ولا نوع واحد منهم بيكون افضل لينا .

  • التحفيز او الدافع 

التحفيز هو سبب بيخلي الشخص يختار اتجاه معين , وبيكون كذلك سبب في تصرفاتنا , اهدافنا , و استعدادنا لتلبية احتياجتنا أو رغبات و قدرات عايزين نكتسبها و نحصل عليها , وبيعتبر من اهم الاسباب الي بتخلي الشخص يتحرك لقدام .

في علم النفس التحفيز له أكتر من شكل

  • الدوافع الداخلية : زي اننا بنلعب رياضه عشان صحتنا ودي طريقه عشان نحافظ عليها
  • الدوافع الخارجية : احنا بنعمل حاجه بسبب مكافئات ملموسه زي هدية أو جائزة او اننا بنمارس الرياضه عشان نخس هنا بيكون مرتبط بالدافع الخارجي شكل اسمه ” المنهج التحفيزي ” لان الجائزة أو المكافئه الي بنستناها بعد مجهود كبير زي الدرجات الكويسه بالنسبة للطلبة و نجاحهم بعد ترم صعب, لكن الدوافع الخارجية مش دايما بتكون كويسه, اوقات بتكون حاجز للدوافع الداخليه , طبقا لموقع The Psychology Notes Headquarter

 اتعمل دراسة على مجموعة من الأطفال للرسم أول فريق كان بيرسم بسبب دوافع الداخلية بدون حافز خارجي , والفريق التاني كان بيرسم بسبب ان تم وعدهم بمكافئة بعد الإنتهاء من الرسم , الدراسة أثبتت أن عدد كبير من الأطفال.

 في حين أن الفريق التاني بعد استلامهم المكافئة توقفوا نهائيا عن الرسم عكس الفريق الأول الي كان بيعمل الحاجه بسبب دافع داخلي.

نفهم إيه من الدراسة دي؟

طبيعتنا متحكمة بشكل كبير في قرارتنا .. احنا اتولدنا عشان نكون متحمسين قصاد بعض الأمور ودا بيرجع لـ غريزتنا ك بشر في بعض المواقف

وده اللي وضحته نظرية ابراهام ماسلو عن طبيعة الأنسان

طبيب النفس الامريكي ابراهام ماسلو ابتكر نظرية سنه 1943 عن احتياجات الانسان , وبيشير النموذج ده أننا بنكون متحمسين لتلبية

احتياجتنا بطريقة ثابتة من الاسفل الي الاعلي.

 أولاً احتياجاتنا الفيزيولوجية زي الاكل و الشرب , المستوي التاني بيكون احتياجنا للامان , المستوى التالت و الرابع عن الحب و التقدير و اخيرا المستوي الخامس عن الذات و هنا بنقدر نستخدم التحفيز الذاتي و الداخلي و اشكال تانية من التحفيز بشكل كبير.

و طبعا دماغنا ليها جزء كبير في التحفيز لانها بتبدأ تفرز لينا مادة الدوبامين الي بتعتبر سبب اساسي في السعادة , الي لما بيتم افرازه بنكون متوقعين حدوث شئ ما وطبقا لبحث The Science of Motivation الي قال فيه الباحث Kevan Lee  اننا بنقدر نتحكم في افراز الدومابين عن طريق وضع اهداف تدريجيه الناتج بتاعها دعم الدماغ بشكل إيجابي في كل خطوه .

لكن التحفيز اوقات كتيره بيكون عامل زي انك بتزق عربية عشان تدور عشان العربية تفضل شغاله لازم ييجي وقت وتنتقل من التحفيز للالتزام.

·     الالتزام

الالتزام هو شئ ثابت احنا بنمارسه بشكل مستمر او بنداوم عليه و بيكون صعب جدا انك تسيبه زي التزامنا بالطاعات زي الصلاه , في بداية السنه سألت واحد من اقوي مديري المشاريع في مصر و المنتور بتاعي عن نصيحة عامه ليا و كان رده عليا ” افضل اعمل الحاجه الي انت عايزها مهما كانت الظروف و مهما كان مزاجك عامل ازاي ” , فكرة الاستمراريه و الالتزام هيا الي بتخلينا ننتقل من مرحلة اننا بنزق العربية لنقطه ان العربية تفضل شغالة , غير ان الالتزام سبب اساسي في بناء العادات.

الالتزام ليه اكتر من مصدر لكن اهم مصدر ليه و اهمهم هوا الارادة : عشان نلتزم بشئ و نحوله لعادة الشخص بيمر ب 3 مراحل

·     مرحلة المقاومة : المرحله الاصعب الي بنحتاج فيها قوة ارادة كبيره لمجاهدة النفس علي الالتزام بيكون فيها التحفيز كبير بسبب بداية شئ جديد لكن مع الوقت التحفيز بيقل ولازم نمر بالالتزام بالشئ

·     مرحلة عدم الراحة : مش بتكون بصعوبة المرحله الي فاتت بنكون فيها بدأنا بشكل ما نلتزم لكن الموضوع بيكون صعب و غير مريح

·     مرحلة الوصول : مرحلة ترسخ العاده بيكون العادة ثبتت و مش بنحتاج ارادة كبيره عشان نعملها

احنا ك بشر بيكون فينا جزء بيكون منتظر النتائج ,وبعضنا بيكون منتظر النتائج قريبة وسريعة , في الالتزام لازم نؤمن جدا اننا لازم نركز علي الاستمراريه و السعي للشئ الي عايزينه قبل النتائج , النتائج هتيجي هتيجي لكن عشان نوصل لمرحلة النتائج لازم نستمر على الشئ الي بنعمله.

ما بين التحفيز و الالتزام بيكون فيه مرحلة لبناء العادات الجديده بشكل سليم , بعض الناس بتنصح بالتحفيز و البعض الاخر بينصح بالالتزام.

لكن من وجهة نظري الاتنين مكملين لبعض بشكل كبير عشان نوصل للي عايزينه لازم بداية قويه تساعدنا اننا نتحرك وعشان نفضل نتحرك لازم نلتزم بالطريق الي اخترناه  لكن لو اعتمدنا بشكل كامل علي التحفيز هييجي وقت و هنقف عشان مافيش محفز لينا و علي رأي John C. Maxwell المؤلف و المتحدث الأمريكي

“motivation gets you going but discipline keeps you growing”

ترك الرد

Please enter your comment!
Please enter your name here