موبايل جديد؟ عربية شوفتها مع صاحبك؟ شخص مش طايقاه ومش قادر تشوف بس اسمه!

هيطلع لك في كل مكان ..

طيب ده ليه بيحصل؟ ويا ترى إيه أسبابه؟

زمان وقت ما تريند كتاب The Secret ظهر كان بيعلب على النقطة دي وهو أنك تتخيل شكل فارس الأحلام وشكل البيت اللي نفسك تعيش فيه وشكل مكان الشغل اللي هيحقق لك أحلامك!

بس مع الوقت اكتشفنا أن مش كل اللي بنقدر نتخيله بنحققه.

وكل ده بيحصل بسبب ظاهرة نفسية واحدة فقط وهي “The Frequency illusion“.

وهو أنك تتعرض بشكل دائم لمنتج معين أو كلمة معينة أو أسم شخص مهم أو ممل في حياتك .. المهم أنه مش هيسيبك.

والظاهرة دي بتحصل بحاجتين:

#هو_انا_كل_ما_أمشي_أشوفها؟ .. أو ما يسمي بالـ Selective Attention، في ظل عصر التشتت اللي إحنا بقينا فيه بقى صعب أوي نركز في كل الرسايل والمنتجات وكمان نبني معاهم تواصل عاطفي إلا لو – كان باختيارنا إحنا اولأً.

#العربية_بتناديني_والله! .. أو اللي اطلقوا عليه اسم Confirmation Bias، وهو التحيز لوهم الفكرة اللي أنت بإرداتك اخترتها لأنها فكرة مميزة جدًا أو لأنها سايبة فيك علامة سواء بالإيجاب أو السلب.

إحنا بقى ككتاب محتوى تسويقي بنستخدم ده إزاي؟

بنستخدمه أننا بنختار بعض الكلمات اللي تربط فكرة معينة مع العميل ونستهدف وسائل التواصل اللي هتكون موجودة قدامه في أوقات مختلفة علشان وقت ما يحتاج الخدمة يلاقينا.

يا ترى عرفت اللغز وراء المطاردة؟!

ترك الرد

Please enter your comment!
Please enter your name here