“قلبي ومفتاحه ..دول ملك ايديك”

لو قريت الجملة دي قبل رمضان، هتفتكر أغنية فريد الأطرش عادي جداً، بس لو قريتها بعد رمضان هتفتكر وقتي إعلان مؤسسة مجدي يعقوب ، اللي عرف يوصل كويس أوي للفئة المستهدفة من غير ما يستعطتف الناس و قدر يفرحهم في كوبي بسيطة ومبهجة. 

علشان كدا فيه كام حاجة لازم تركز عليها قبل ما تخلق محتوى مهما كان نوعه اللي اتكلمنا عليهم البوست اللي فات و اللي لسه هنشرحهم.

❶ بتكتب لمين؟

اول حاجة هي انك تعرف انت بتكتب لمين و في المرحلة دي انت بتحدد الشخصيات اللي بتكتب لهم بنات ولا شباب و لا كبار في السن ، مستواهم التعليمي والاجتماعي كمان.

كلام عام وسمعته قبل كدا؟

هنقولك تطبق ده إزاي من خير الطبيعة.

دلوقتي أنت في عائلة حضرتك المكونة من 3 إلى 4 أفراد أو أكثر ، هتلاقي أن كل واحد بيفكر بطريقة مختلفة وكل واحد له اهتمامات مختلفة، راقبهم وخش جوه دماغهم، اتعرف على اصحاب أخواتك واتعرف على أصحاب أهلك والله هيحبوك : ومنها تكون بتطبق صلة الرحم وبتذاكر الدور اللي هتكتب عنه.

في حديث قديم لنور الشريف سألوه هو أنت ليه كنت في الدور ده كل شوية تشمر الجلابية؟ قالهم ابداً أنا شوفت الشخصية دي فعلاً في الحقيقة وحبيت اضيف اللمسة دي علشان تطلع حقيقية أكتر.

خليك زي الفنان نور الشريف.

❷ هتكلمهم إزاي؟

تاني حاجة الـ Tone اللي هتكلمهم بيها أو الـ Creative Direction اللي هتوجهه للناس دي وخلينا نتخيل كدة لو الشركة السعودية جابت أحمد عز و شيرين رضا يعملوا الإعلان، هل الـ Segment بتاعتهم هتشتري؟ في الأغلب هيخافوا اصلاً يتصلوا يشوفوه العرض ايه أو المنتج بكام.

ومعاك أن الكلام يبان في طبقية ولكن دي الحقيقة، تخيل أن كلنا بعد حوار البنزين الواحد نام حمادة طبقة متوسطة، صحي لقى نفسه حمادة تحت الصفر ، تفتكر يا حمادة هتخش محلات Mango وZara و Adidas

❸ هتنشن على ايه؟

تالت حاجة بقى الاحساس اللي عايز تعمله Trigger او تنشن عليه في دماغ اللي هيوصله الكلام ده، هل عايز تلعب على احساسه انه يكون مختلف أو بتبيع له Life Style وإنه يكون وسط الناس اللي شبهه ولا احساس انه بطل لما يتبرع ولا إحساس إنه هيفوتك كتير لو مجربتش و دة انا بسميه الـ Emotional Treat للي بتستهدفه.

❹ بتبيع ايه؟

رابع حاجة انك تعرف الـ Product اللي انت بتبيعه ايه الـ Selling Points بتاعته، ايه اللي يخلي المنتج/الخدمة احسن من الباقي أو بتعلْي عليهم.

❺ أنا اشتريت

خامس حاجة ودي أهمهم بعد المجهود اللي في الأربع نقط دول يا بطل هو الـ Call To Action البسيط والسهل الممتنع في نفسه كدا اسمع كدا معايا🎶

“وعشان من قلبنا بنحبك، هنوصل حنية قلبك للناس اللي منسيوش حبك وتعلقوا بيك” – شيرين في إعلان 500500 تكريماً لأحمد زكي.

بذمتك أخدت بالك أن ده Call To Action؟

إحنا بقى مش هنحط Call To Action، لأن وصولك للسطر ده نجاح لينا وده اللي أحنا بنسعى ليه.

 

1 تعليق

ترك الرد

Please enter your comment!
Please enter your name here