حكمت المحكمة ببراءة الكلاينت!

كبر اللوجو .. لأ دي حدوتة جديدة

1
1967

تعديلات ملهاش آخر وطلبات كلاينت مبتنتهيش .. بس يا ترى كل اللي بيحصل ده وكل اللي هو شايفاه ده غلاسة منه وتعطيل للشغل بدون سبب؟

لو السبب مش منطقي متشتريش مننا!

الفكرة أن بعض كاتبي المحتوى أو المصممين بيتجاهلوا البراندج المهم جدًا لأي براند زي اللوجو على حساب الهيدلاين أو CTA فالعميل يقولك معلش ممكن تكبر اللوجو .. لأنه غصب عنه هو شايف حاجات مش الأهم بالنسبة له – بس هي الأوضح – في حين أن هدفه الأساسي هو زيادة معرفة عميله المستهدف بالمنتج أو البراند.

ارجع خطوة ورا وتعالى نقولك ده بيحصل ليه.

من حوالي فترة ما ظهرت على الفيسبوك الصورة دي:

ناس قالت أنها حركة صايعة من كوبي رايتر جامد وناس قالت أنها حركة جامدة من ديزاينر على وضعه .. الناس في الحقيقة كان مذهولة بشكل غريب وناس ابتدت تفكر أننا سحرة ونقرأ أفكارهم وبنتحكم في مصيرهم. 

الحقيقة في مصطلح اسمه Visual Hierarchy

https://www.advancedlabelsnw.com/blog/simple-visual-hierarchy-for-labels-explained

وهو مصطلح شائع جدًا عند المصممين والفنانين وهو التدرج البصري في تصميم معين وده لأن العين بتشوف حاجات معينة في المقام الأول ويليها جملة أو شكل في المقام الثاني ويليه المقام الثالث.

تعالي نوريك بالتجربة العملية في الصورة دي .. يا ترى هتشوف إيه الأول؟

 

بالمنطق هتشوف الشكل الطاغى على غيره وده لأنه هو المسيطر على الصورة وبيسموه في عالم التصميم Dominance وهو وجود شكل معين بنسبة أكبر علشان يشد انتباهك وكمان يخليك تاخد رد فعل معين تجاه الرسالة المستهدفة.

طيب هل في تدرجات للـ Dominance؟

اينعم!

الـ Dominant

وبيكون أقوى رسالة محتاج أنك توصلها للعميل أو القارئ  علشان تجذب انتباهه ويكون لها وزن اتقل في الصورة وفي الصورة كانت “كبر اللوجو”.

الـ Sub-Dominant

وبتكون رسالة فرعية بعد الرسالة الأولى وفيها محتوى يجذب ولكن بالمقارنة للرسالة الأولى أقل وكانت “اعرف السبب وراء الخدعة”.

الـ Subordinate

وهي آخر مرحلة وبيكون فيها الرسالة الأخيرة في الصورة وبتخلي اللي بيقرأ ياخد قرار معين بعدها وكانت “جملة هتجذب انتباهك ولكن ليه”

عزيزي كاتب المحتوى .. هل التدرج ده بيفكرك بترتيب معين؟

لو جيت قسمت الكوبي بتاعك حسب الترتيب ده هتلاقي 3 نقط أساسية.

  • الـ Headline

وهو اللي بيشد القارئ زي ما إحنا كتبنا “واخيرًا ظهرت براءة الكلانيت”

  • الـ Body

وهو المحتوى اللي حضرتك عملتله Scan سريع علشان تعرف في استفادة حقيقية من المقال ولا لا.

  • الـ Call To  Action

او وصولك للمرحلة دي من المقالة وهو رد الفعل اللي هتاخده قبل ما تعرف أهمية التدرج البصري في كتابة المحتوى وكمان التصميم.

الزتونة

  • اكتب هيدلاين يشد
  • اهتم بالمحتوى
  • وزود تركيزك في الـ CTA

1 تعليق

ترك الرد

Please enter your comment!
Please enter your name here