أنا أحترت: أنا كوبي رايتر ولا كونتت كريتور

سألت نفسك كتير مرستش يوم على بر؟

0
5845

سألت نفسك كتير مرستش يوم على بر؟

ذا كوبي رايتر هيجاوبك على حيرتك و سهادك في عز ليلك 

غالبًا في كتير من الأحيان هيكون في خلط ما بين الوظيفتين نظرًا لأن المجال ده في التسويق الرقمي إلى حد ما جديد، بس الوظيفتين مهمين جدًا لأي بيزنس سواء في البداية أو بيزنس قائم بالفعل

مين هو الكوبي رايتر؟

الكوبي رايتر هو شخص قادر ببساطة يقنعك بأسلوبه في -أقل عدد من الكلمات- بأسلوب بسيط ومناسب للتارجت أودينس في الوقت اللي محتاجين فين الخدمة، وهدفه بيكون زيادة مبيعات منتج معين أو عدة منتجات لنفس البراند.

مهنة الكوبي رايتر في حد ذاتها مهنة مش جديدة وكان ليها روادها من زمان جدًا وأشهرهم ديفيد أوجلفي.

مين هو الكونتت كريتور؟

الكونتت كريتور هو الشخص اللي بيخلق البنية الأساسية لعلاقة تستمر إلى مدى طويل من خلال خلق محتوى قيم-طويل- بيقولك معلومة جديدة وبيخليك تنبسط وأنت بتقرأ وكمان بيلهمك تكون زيه.

وكما يقول Seth Godin، واحد من أهم علامات التسويق الرقمي، أن الأنسان يميل دائمًا إلي الانضمام إلى ناس شبهه وتشاركه اهتماماته من خلال كونسبت أطلق عليه The Tribe.

بس إيه وجه الشبه بين الكوبي رايتر والكونتت كريتور؟

الـ Creative Brief

وهو كتابة المشكلة أو التحدي اللي بيواجهه الكلانيت وقرر أنه يشتغل مع الكوبي رايتر أو الكونتت كريتور علشان يحلها بأفضل طريقة من وجهة نظره وبيكون مفصل ولكنه قصير علشان بس يحدد أوت لاين محدد تقدر تخلق بيه محتوى يخليه ينسبط ويبيع أكتر.

الـ Strategy

بتختلف من مجال إلى مجال، يعني ممكن منتج يحتاج كوبي رايتر وممكن غيره يحتاج كونتت كريتور، وكمان حسب التارجت أودينس وإزاي تقدر توصل رسالة بسيطة – تقنعهم أو تبسطهم.

الـ Call To Action

أو فن تقفيل المحتوى وهو رد الفعل المطلوب من التارجت أودينس بعد ما فهم المحتوى بتاعك.

وده بيختلف من مجال إلى مجال، يعني ممكن منتج يحتاج كوبي رايتر وممكن غيره يحتاج كونتت كريتور، وكمان حسب التارجت أودينس وإزاي تقدر توصل رسالة بسيطة – تقنعهم أو تبسطهم.

وهو الفاصل بين أنك شخص فعًلا شاطر أو لا، لأن عادة معظم الناس بيشدها الهيدلاين وتنزل تشوف النهاية ولو مدخلتش الدماغ يبقى كل الكوبي راحت على الفاضي.

طيب ما انا بعرف اعمل الأثنين؟

هنقولك يبقى أنت إضافة كبيرة لينا أولاً، ثم المكان اللي بتشتغل فيه، بس مش كل الناس بتكون شاطرة في الحاجتين لأن اللي بيعرف يكتب محتوى طويل بيكون صعب عليه إلى حد ما أنه يكتب جملة واحدة تقنع العميل أنه يشتري.

يلا أبواب الشهرة مستنياك يا برعي .. قصدنا يا كوبي رايتر 😀

 

 

ترك الرد

Please enter your comment!
Please enter your name here