نتيجة بحث الصور عن ‪user experience‬‏

إيه هى الـ User Experience ؟ وعلاقتها بالـ SEO ،

و إزاى تحسن من الـ User Experience بالنسبة للويب سايت بتاعك ؟ 

تخيل إن واحد دخل على الويب سايت بتاعك عشان لقى مقالة عجبته و بعدها راح على مقالة تانية جوة نفس الويب سايت ،

و بعدها قرر يتفرج على المحتوى كُله و يشوف جواه إيه ..

لدرجة انه قرر يحفظ إسم البراند بتاعك عشان قلقان ينساه و ميعرفش يوصله تانى لانه فعلا استفاد .. ده كدة إسمه Branding

و بعد ما عرف البراند قرر يشوف المنتجات اللى بتبيعها عشان لو محتاجها وهل السعر مناسب ليه ولا لا ؟

يعنى بعد الـ Branding بقى Customer أو بقى Lead و بعدها بقى Customer

الرحلة دى بتبدأ فى الـ SEO من أول كتابتك للـ SEO Title و الـ Meta Description اللى هيشوفهم برة من جوجل قبل ما يدوس على لينك البيدج

لحد ما يدُخل جوة ويشوف كُل حاجة إنت عاملها علشانه ..

كُل الرحلة دى فى عالم الـ SEO ليها مُسمى فنى اللى هو “User Experience”

يعنى التجرُبة بتاعته معاك شاف فيها إيه ؟ “أو بشكل أدق مع الويب سايت بتاعك”

عشان تقدر توصل للتأثير ده مع كُل Copy بتشتغل عليها بتحتاج فى كُل خطوة حتى لو كانت بسيطة إنك تراعى

الـ User و الـ Value اللى بتقدمها ليه من كل الجوانب اللى تقدر عليها

ده كدة كان يعنى إيه UX ؟ و علاقته بالـ SEO بشكل عام ..

لكن إيه رأيك ؟ لو بصينا على شوية أفكار عشان نحسن بيها من الـ User Experience مع الموقع اللى شغالين عليه.

إزاى تحسن من الـ User Experience ؟

1- إتأكد إنك بتتكلم عن حاجة هو محتاجها فعلا .. 

دايما لما كنت أجى اكتب فى الأول الاقى صاحب البيزنس يقولى بُص عايزين نستهدف الكلمات دى كُلها عشان عليها ترافيك عالى

طيب إنت كـ Business عندك حاجة تقدمها هنا فعلا ؟! الاجابة فى مُعظم الاوقات بتكون لا 

“طبعا مُمكن يبقى عنده جوة وهو مش واخد باله :D”

فكُنت بضطر اكتب عن المتاح وببقى عارف انى هتعب عشان الـ Ranking لكن على مستوى الـ Business والتأثير فى النهاية بيكون ضعيف

“قبل ما تبدأ تكتب إتأكد إن الـ Business معاه حاجة حقيقة هيقدمها مع الجانب اللى محتاجه اليوزر”

تقدر تعرف الـ User محتاج إيه بظبط عن طريق الـ Intent اللى ورا Keyword مُعينة ،

و هنا بيكون عندك 3 معايير بتقرر على أساسهم النية الحقيقة اللى ورا Keyword مُعينة

1- هى الـ Keyword نفسها: لو مثلا اليوزر كاتب “طريقة عمل الكريب” يبقى اكيد بيدور على الطريقة او الوصفة عشان يقدر يعمل كريب

2- الـ Suggested KWs: من تحليلك للـ Suggested KWs اللى حوالين الـ KW نفسها تقدر تقرر اليوزر هيحتاج يشوف إيه جوة البيدج عندك بشكل أعمق

3- اول 10 Results: من وجهة نظرى ده أهم جانب بتحتاج تبُص عليه عشان تفهم النية اللى ورا Keyword مُعينة ..

لان جوجل بتكون سبقتك وحللت اليوزر محتاج يشوف إيه بظبط هنا مع الكلمة دى وبالتالى طلعت results ليها علاقة بيه

ملحوظة: مش دايما جوجل بتكون طلعت نتائج ليها علاقة مُمكن يبقى لسه مفيش حد اتكلم عن النية الحقيقة لليوزر

2- زود الـ XD Value 

بغض النظر عن كلمة زود دى 😀 محسسانى اننا بنطلب اوردر لكن دى الحقيقة لو لقيت المنافس حاطط 10 نصائح مثلا عشان تعمل كذا خليها 17 ،

و ده تقدر تتكلم عنه فى الـ SEO Title “الـ Title Tag” أو الـ Meta Description عشان لما اليوزر يقارن و يشوف الفرق ما بينك وبين مُنافس تانى يلاقى إنه هيستفيد من عندك أكتر

“حتى لو كُنت أقل فى الـ Ranking ده هيفرق مع الـ User”

3- إتلكك إنك تُحط Internal Links

لو عايز تـ Rank أعلى مع بيدج مُعينة بتحتاج تخلى pages تانية جوة نفس الويب سايت تشاور عليها بـ Internal Links

“دى Strategy مُتعارف عليها عشان نحسن من الـ Ranking”

لكن لو بصينا على إستخدام الـ Internal Links عشان اليوزر هنلاقى انها بتوفر ليه Value أكتر جوة نفس البيدج و ليها علاقة باللى هو كان بيدور عليه ومحتاجه

وطبعا متنساش تراعى إن البيدج التانية تبقى قوية وفيها Value، و بكدة الـ User هيكون بياخد اكتر من الـ Value اللى كان محتاجها بس فى الأول

“يعنى هتكون فتحت ليه أبواب تانية فى الويب سايت بتاعك و غطيت ليه كُل حاجة مُمكن يحتاجها”

ملحوظة: أى بيدج بتعمل ليها On Page Opt. بتحتاج من 5 لـ 10 Internal Links وده رقم مُناسب مع مُعظم الـ websites اللى هتشتغل عليها

متحاولش تغلى المُحيط 😀

فى افكار تانية كتير منها افكار بسيطة زى إنك تعمل Opt. للـ SEO Elements زى الـ URL و الـ SEO Title و الـ Meta Description بحيث إنها تكون Relevant باليوزر

و فى افكار تانية جديدة ليها علاقة بالـ Innovation أكتر و Experiments جديدة مع الـ SEO ،

كُلها افكار جميلة ومفيدة لكن متحاوش تغلى المُحيط

يعنى متمسكش مثلا  Website فيه 10 الالاف بيدج وتحاول تخلى كُل الـ Pages مفهاش غلطة ومُتسقة مع بعض فى وقت قليل

“لان حتى اكبر websites فى العالم زى الـ fb عادى جدا انك تلاقى فيه pages مش معمول ليها Opt ومحققة Ranking”

لكن مع كُل بيدج رايح تستهدفها عشان وراها فُرصة SEO او Business أو Marketing حاول تعمل Opt. لكُل حاجة

حتى لو كانت من وجهة نظرك بسيطة لانها بتفرق فى المُنافسة على الكلمة اللى بتستهدفها و هتفرق أكيد مع اليوزر

إزاى تقيس نتيجة شُغلك ؟ “أهم جزُء”

كـ SEO Copywriter هتلاقى تأثير شُغلك بيبان مع حاجتين بعد ما بتراعى الـ Intent و بتقرر تفيد الـ User اللى بيدور بـ keyword مُعينة

1- الـ CTR بيعلى: يعنى ترافيك أعلى للويب سايت بتاعك لمُجرد إنك بتقدم Value ليها علاقة باليوزر ، ولما
الـ CTR بيعلى الـ Ranking بيعلى أكتر فى أول بيدج

لانك عامل Opt للـ SEO Title و الـ Meta Description بحيث إنهم يظهروا الـ Value اللى هيلاقيها جوة البيدج فبالتالى بيدوس عليها عشان يشوف بتقدمله إيه جوة البيدج

2- الـ Bounce Rate بيقل: تخيل لو حد دخل على بيدج وخرج فى نفس الوقت أكن البيدج بدون قيمة يعنى شديته بس من برة لكن لما دخل ملقاش جواها اللى هو عايزه

على عكس ما يُدخل على بيدج مُعينة عندك و يقعد لُمدة دقيقة بدل 5 ثوانى كدة إنت زودت وقت وجوده جوة البيدج بتاعتك و فنفس الوقت لقى اللى محتاجه عندك فمرجعش يبُص على Results تانية فى جوجل

وده هيزود من الـ Rankings بتاعتك اكتر يعنى بدل ما تكون رقم 3 مثلا هتبقى رقم 1

“Low Bounce Rate + High CTR = Higher Rankings”

و أخير الـ Branding و الـ Sales:

بعد ما لقى الويب سايت بتاعك مُفيد و حب يعرفه أكتر هيبدأ يدور على Value تانية جواه ساعتها هيعرف إسم البراند و بعدها بيقرر يشترى منك الـ Products لو فعلا مُفيدة والسعر مُناسب ليه ،

و بكدة مش هتكون بتتعامل مع الـ SEO كـ أداة بتسعى إنك تحقق Ranking معاها وبس لكن هتشوف تأثير شُغلك على اليوزر ، و إزاى ده بيفيد الـ Business اللى انت شغال عليه

لو عندك أفكار شايف أنها مُمكن تحسن من الـ User Experience ياريت تشاركنا بيها 😀

عُمر الكركيت

ترك الرد

Please enter your comment!
Please enter your name here