النهاردة هنشوف إزاى تقدر تستعمل جوجل او اى Search Engine عشان توصل للى انت محتاجه 😀

لكن خد بالك اللى انت محتاجه وانت شغال SEO بيبقى مختلف تماما عن اللى انت محتاجه فى اى وقت تانى من جوجل

لما اليوزر بيجى يدور على حاجة معينة هو محتاجها بيدور بشكل مختلف عننا كـ SEOs النهاردة هنشوف إزاى ممكن ندور ونستعمل الـ Search Engine عشان نوصل للى احنا محتاجينه ،

وده هيخليك تقدر تشتغل وتتعلم الـ SEO وانت مستريح ومن غير تشتُت

إزاى الـ User بيدور فى جوجل ؟

الهدف الاساسى من الـ SEO و اى خطوات بتتعمل جواه هى الـ Ranking ..

لان اليوزر لما بيجى يدور على حاجة هو محتاجها بيبُص فى أول 3 نتائج وممكن يكتفى لو بأول result لو اديته الاجابة الكاملة اللى هو محتاجها.

و عشان دى الطريقة اللى بيدور بيها اليوزر بنسعى إحنا من الناحية التانية كـ SEOs اننا نطلع فى الـ Ranking لحد ما نوصل لاول Result

فبالتالى نقدر نحقق اهداف ماركيتنج وبيزنس بإستخدام الـ SEO

إزاى إحنا كـ SEOs بندور فى جوجل ؟

نسبة كبيرة من الـ Users لما بيجوا يدوروا فى جوجل بيشوفوا اول 3 نتائج بس

لكن إحنا كـ SEOs بنحتاج نبص على اول 10 نتائج على الاقل وده لأكتر من سبب

اول سبب: عشان نقدر نفهم اليوزر واحتياجاته المختلفة قبل ما نعمل محتوى نستهدفه بيه

تانى سبب: عشان نحلل محتوى المنافسين ونشوف إزاى نقدر نتعلب عليهم فى منافسة الـ SEO

تالت سبب: عشان نقدر نقيم المنافسة ونشوف محتاجين إيه من اكتر من زاوية عشان الـ Ranking

و بكدة هتكون بتدور فى جوجل وانت حاطط فى بالك اسباب واحتياجات تانية مختلفة عن اليوزر فمش هتدور بالطريقة التقليدية وتبص على اول 3 نتائج بس ..

يعنى ببساطة هتبقى بتدور بإحتراف 😀

Boss GIF - Find & Share on GIPHY

إزاى تدور فى جوجل عشان تفهم اليوزر ؟

اول خطوة فى الجانب التنفيذى من عالم الـ SEO Content إسمها KW Research مع الخطوة دى بنحتاج نحدد فيها الـ Keywords اللى بيدور بيها اليوزر واللى هنستهدفها جوة بيدج عندنا بمحتوى معين فى الويب سايت

ملحوظة: الـ SEO بيتكون من 3 جوانب

  • SEO Technical
  • SEO Content 
  • SEO LinkBuilding

المحتوى هو الاساس معانا فى كُل ادوات الماركيتنج والجانب الفنى هو الادوات المستخدمة عشان تقدر تنفذ جوانب مختلفة فى الـ SEO و الترويج فى عالم الـ SEO هو الـ LinkBuilding ،

و عشان نقدر نعمل محتوى فى الويب سايت نستهدف بيه Persona معينة بإستخدام الـ SEO بنحتاج نشوف
الـ Keywords اللى بيدور بيها اليوزر ونحللها.

بنحللها بهدف اننا نفهم اليوزر ونيته من ورا كتابته للـ Keywords دى.

إزاى تقدر توصل للـ Keywords ؟

عشان تقدر توصل للـ Keywords اللى بيدور بيها اليوزر فى جوجل ..

ببساطة فى Algorithm جوجل عملته إسمه Google Suggestions وهى الاقتراحات اللى بتظهر ليك لما بتيجى تدور فى جوجل على حاجة إنت محتاجها

Google-Sugesstions

نفس الاقتراحات دى هتلاقيها موجودة برضه تحت فى جوجل وهى اللى اليوزر بيدور بيها عشان يوصل لحاجة هو محتاجها ..

من خلال الكلمات دى او الـ Keywords دى تقدر تفهم اليوزر كويس وتستخدمها فى انك تعمل الـ Keyword Research للبيدج اللى هتشتغل عليها ،

و غير اننا نستعمل اقتراحات جوجل هنلاقى اداة مُهمة واساسية معانا إسمها Google Keyword Planner الاداة دى بتطلع اقتراحات اكتر مع Insights تانية بنحتاجها لما بنيجى نعمل KW Research لبيدج هنشتغل عليها

زى الـ Search Volume اللى موجود مع الكلمة اللى قررنا نستهدفها بالبيدج بتاعتنا.

ملحوظة: الـ search volume هو رقم توقعى لحجم الترافيك اللى بيدخل لسوق الـ KW دى وسوق كُل Keyword هو أول 10 results

إزاى تدور فى جوجل عشان تحلل مُحتوى المُنافسين ؟

بعد ما فهمنا اليوزر وقررنا نستهدف أنهى Keyword وطلعنا افكار مبدئية للمحتوى جه الوقت اننا نبدأ نشوف محتوى المُنافسين عامل إزاى 😀

متنساش فى الخطوة دى هتحتاج تبُص على كُل الـ 10 نتائج من ناحية المحتوى لكن من زاويتين مختلفتين:

الزاوية الأولى هى المحتوى نفسه:

1- شوف المُحتوى نفسه ليه علاقة بنية اليوزر من ورا كتابته لـ Keyword مُعينة فى جوجل

2- المُحتوى بتاعهم ناقصه إيه عشان تتكلم إنت عنه فى البيدج بتاعتك

3- المُحتوى بتاعهم مُميز إزاى و إزاى تقدر تتفوق على تميزهم ده

4- شوف تفاعل الـ users معاهم شكله عامل إزاى وابدأ حلل التفاعل ده حصل ليه

الزاوية التانية هى المحتوى من ناحية الـ SEO:

1- عدد كلمات المنافس قد إيه لو كانت مثلا 700 كلمة هتحتاج تعمل 1000 كلمة عشان تبقى اكتر فى عدد الكلمات

2- حدد المنافس جايب كام من 10 فى الـ On Page SEO ودى خطوة اساسية بنحتاج ليها فى عالم الـ SEO Content عشان تضمن انك مخلص على الاقل نُص المشوار فى الـ Optimization لو كانت المنافسة صعبة

ولو المنافسة سهلة الـ On Page SEO بيكون كافى على الاقل إنك تكون موجود فى اول بيدج

إزاى تدور فى جوجل عشان تقيم المُنافسة ؟

الاساس مع الـ SEO هو المنافسة انا عن نفسى مش بحب المنافسة لكن عشان دى طبيعة الـ SEO مفيش مانع إنها تكون منافسة رياضية 😀

عشان تقدر تقيم المنافسة مع اى KW هتشتغل عليها بتحتاج تبص على 4 جوانب عشان تشوف مدى صعوبة او سهولة المنافسة مع الـ KW اللى هتستهدفها وتشتغل عليها

1- هى عدد الـ websites اللى بتنافس قدامها مع كلمة معينة فى الـ Search Engine

competition-diff

كل ما كان عدد الـ websites اقل كل ما كانت المنافسة ابسط ..

2- الويب سايت اللى هتنافسه جايب كام Backlink و من كام Website ..
لو جايب 10 backlinks من 3 websites ده بيكون اقل من انه يكون جايب 10 backlinks من 10 مواقع

لان الـ Backlink الواحد بيكون عبارة عن Vote فلو فى ويب سايت معين ادالك اكتر من Vote قيمة الـ Vote الواحد بتقل

3- صعوبة المنافسة: عن طريق اتنين من اشهر ادوات الـ SEO تقدر تشوف مدى صعوبة او سهولة المنافسة ..

اول اداة إسمها MOZ بتوريلك الـ Difficulty اللى هى صعوبة المنافسة قد إيه بشكل عام لكل جوانب الـ SEO،

والاداة التانية Ahrefs بتديلك KD وبتبقى مقياس لمدى صعوبة المنافسة لكن من ناحية الـ Backlinks بس

4- شوف حجم الترافيك اللى بيدخل للويب سايت و عدد الكلمات اللى مستهدفها لان ده بيديلك Insight بمدى قوة او ضعف الويب سايت اللى بتنافس قدامه

وصلنا للنهاية

فى النهاية هتلاقى لما تيجى تدور فى الـ Search Engine عشان تطلع بـ insights مع كُل الجوانب دى بتحتاج تراعى حاجتين مهمين ..

أول حاجة إنك تشوف الصورة الكاملة على بعض من غير ما تدخل مع تفاصيلها العميقة كلها عشان تبقى عارف نهاية الطريق إيه ومتبقاش حاسس بعدم الانجاز بسبب التشتت

تانى حاجة إنك تبدأ فى التفاصيل بس بعد ما تقسم الصورة الكبيرة جزء جزء،
وده هيخليك تتمكن من رحلة التعلم و متتشتتش مع التعلم او التطبيق على الـ SEO.

لو عندك اى سؤوال عن الـ SEO متترددش هستناك تبعتلى 😀 

عمر الكركيت

ترك الرد

Please enter your comment!
Please enter your name here