متمثلش الـ Creativity | نصائح مهمة من Joseph Gordon- Levitt عن الإبداع

اتعلم الكريتفاتي بدون معلم

0
602
joseph_gordon_levitt_how_craving_attention_makes_you_less_creative
joseph_gordon_levitt_how_craving_attention_makes_you_less_creative

سكوت .. هنصور .. أكشن. 

كلمة أكشن ليها هيبة وليها شخصية بتخلّي طاقم العمل في اللوكيشن في حالة من السكون وكل واحد بيقوم بدوره المطالب بيه فقط حسب السيناريو. 

الممثل العالمي Joseph Gordon-Levitt  في فيديو لـ Ted كان بيتكلم عن الفرق بين Paying attention و Getting attention وأنه فرق لو تعلمون عظيم. 

تعالي نقولك الفرق بين الأتنين: 

  • مفهوم Getting Attention 

هو أنك تكون هدفك الأساسي كمبدع هو جذب انتباه الناس أو المجموعة المحيطة بيك وزي ما قال Seth Godin انك تجذب مجموعة الـ Tribes اللي شبهك وعندهم نفس الاهتمامات اللي بتخليك تحس أنك مش لوحدك وأنك فيه حد دايمًا وراك وبيشجعك. 

على قد ما الكونسبت ده عظيم، على قد ما هو ضاغط بكل معنى الكلمة، لأنه بيخليك تبعد عن الإبداع بشكل كبير وبتركز أكتر على إزاي الكوبي أو الكتابة بتاعتي هتلاقي استحسان من الناس المؤمنين بيا وهل المقال ده أو الكوبي الإعلانية دي الناس هتشوفها إزاي وده بيخليك بشكل كبير تقف ويظهر فجأة وحش الـ Creative Block

  • مفهوم  Paying attention

بيقول Joseph أن أول ما بيسمع كلمة أكشن بيركز فقط على الدور والكلام اللي هيقوله ومشاعره في الموقف ده وكمان طريقة تفاعله مع الممثل اللي قصاده حتى ولو كان من الممثلين العملاقة، لأنه لو فكر أنه هيقف قدام حد شاطر والناس هتفضل تقارن ادائه مع أداء البطل اللي قدامه عمره ما هيوصل للنجاح اللي بيحلم بيه و لا الأداء اللي الناس “فعليًا” متوقعاه منه. 

وبيكمل وبيقول مع وجود التكنولوجيا بقى صعب جداً الوصول لمرحلة التوازن الإبداعي، لأنك دايمًا بتحاول تقدم أفضل أفضل ما عندك، لأن طبيعتها ورأس مالها مبني على ما يسمى بـ Attention-based business model وهو أنك أنت السلعة اللي بيبعها Facebook أو Instagram لقنوات زي Netflix أو Apple TV. 

طيب إزاي ممثل وبينقد المجال ده مع أنه كله مبني على جذب الانتباه؟ 

بيقول أنه  موخرًا بقى عنده Twitter Account وبدأ يركز مع عدد الـ Followers زادوا ولا لا، طيب آخر توتيتة وصلت لكام واحد وعدد الـ Shares والـ Likes، وكل ده وهل ماسك السيناريو اللي في إيده فبدل ما يركز على ادائه بقى بيركز على الجوائز ورأي النقاد فيه بعد ما الفيلم ينزل. 

وبيقول في جملة عبقرية لا تقل عن مستوى عبقرية محي اسماعيل: 

If your creativity is fueled by getting others’ attention, then you are not going to be creatively fulfilled. 

الحل للموضوع ده إيه؟ 

كنا قرأنا في كتاب مهم اسمه ما تزوقيني يا ماما قوام يا ماما – نسخة 2019، أنه لازم وأنت بتفكر في وسط أي عمل إبداعي أنك تكتب لنفسك أولاً ومتتوقعش الناس هتسقف لك ولا لا، ببساطة ” من أنت عندما لا يتهافت بأسمك من حولك؟”. 

كمان Joseph كان بيتكلم عن كتاب اسمه Flow وعن طريقة التفكير اللي بتساعدك تفكر بطريقة إبداعية واللي ممكن نخلصه ليك في أربع نقاط: 

الأولى: Focus 

حاول على قد ما تقدر أنك تركز وابعد عن كل مصادر التشتت، اقفل الموبايل وافتح المزيكا المفضلة ليك واشتغل على تاسك واحدة فقط، بلاش تمثل أنك سوبر كريتيف وأنك Multitasker صدقنا ده هيكون بنزين بيتحرق في وقت قصير قوي وهيؤدي في الأخر إلى مرحلة تسمى بـ Burnout. 

الثانية: Feedback 

وده مش عكس الكلام اللي قولنا عليه فوق، الفيدباك مش مديرك أو صاحبك القريب بيكون مهم علشان تقدر تحدد أنت كنت فين ووصلت فين وتقدر تتطور إزاي في المستقبل ولازم طبعاً تختار الشخص المناسب واللي يكون رأيه حيادي وموضوعي تجاه شغلك. 

الثالثة: Freedom 

والمرحلة دي بيكون فيها تصريح منك لنفسك أنك هتطلع كل اللي في دماغك على الورق من غير انتقاد ولا تعديل لخطأ ما وفي الكتاب جه اسمها تحت Permission Timers وهو أنك تخصص حوالي نص ساعة فقط تكتب اللي في دماغك وتطلع كل اللي جواك. 

الرابعة: Four % Challenge 

والنقطة الرابعة دي أهمهم، لأنها ممكن تلخص كل المشاعر اللي بنحس بيها كبشر في المقام الأول وكمبدعين في المقام الثاني. 

هي إيه قصة الأريعة في المية؟ 

لو بتلعب لعبة ما زي الشطرنج، العب قصاد حد ـأنت عارف أنه عنده أربعة في المية موهبة عنك علشان ده هيحفزك بمجهود بسيط أنك توصل لطريقة لعبه وفي نفس الوقت أنت عارف أن اللي سابقك بكتير هيكون صعب عليك توصله في المرحلة دي فتمحاولش تحرق نفسك علشان توصله في وقت قصير، لأنك لو عملت كل يوم 4% زيادة هتقدر توصله في الوقت المناسب ليك. 

وفي النهاية اكتب دلوقتي يا بشمهندس طارق ميهمكش، لأنه رأي الناس لا بيقدم ولا بيأخر لو أنت حقيقي بجد مبدع. 

لو حابب تقرأ الكتاب ممكن تحمله من هنا: http://bit.do/fi9Ln

  

ترك الرد

Please enter your comment!
Please enter your name here