إزاي تكتب سيناريو وتفصص تفاصيله | الجزء الأول

شوف شكل الاسكريبت بيكون إزاي وانت بتكتبه

0
435
how to write a screenplay
how to write a screenplay

 الدنيا يا ولدي ليها وشين، أبيض وأسود، لمَّا تبقى بيضا قِدامك افتكر الإسود عشان تسلك، ولما تبقي سوده افتكر الأبيض عشان تقدر تعيش لبُكرة” – 

في جمّل عمرنا ما ننساها في السينما والتاريخ بيقول أن أساس كل فيلم سيناريو قادر يوصف حياة الانسان ويخفف عنه أوجاعه عن طريق رؤيته لقصة تشبه حكايته؛ لبطل قادر يكون مراية يشوف نفسه فيها.

علشان كدة إحنا فصصنا لك السيناريو مع الكوكو وهنقولك في الجزء الأول نصائح تشوف منها طريقة وشكل كتابة السيناريو 😄

تخيل معايا كدة بتشوف فيلم أو إعلان، يبدأ أول مشهد بشاشة سوداء وسامع صوت حد بيحكي.

 

how-to-write-a-screenplay
how-to-write-a-screenplay

🎥 العنصر الأول: FADE IN

هو التمهيد والبداية للقصة

🎥 العنصر الثاني: رقم المشهد

وده علشان يكون كل مشهد منظم وكل فرد في الفريق عارف ده تفاصيل أنهي مشهد لأن بعض الأوقات فيه مشاهد بتتصور قبل مشاهد تانية.

🎥 العنصر الثالث: SCENE HEADINGS

هو أنك بتكتب الحدث ده هيكون فين بالظبط وهل هو مشهد داخلي ولا خارجي؟ لأنه على الأساس ده بتكون عامل حسابك على اختيار المكان المناسب والمعدات وكمان الوقت اللي هتصور فيه.

🎥 العنصر الرابع: ACTION/ DESCRIPTION OF THE SCENE

وده اللي بتشرح فيه المشهد هيحصل فيه إيه بالظبط وكل الأحداث المحيطة بالمكان والزمان وحركة الناس والطبيعة في المشهد والرسائل اللي عايز توصلها من المشهد الافتتاحي ده لأنه بيكون تمهيد لظهور البطل وتصاعد الأحداث.

🎥 العنصر الخامس: CUT

دايمًا في أي مشهد لمخرج بتسمع الكلمة دي وهي بتعبر عن الانتقال من مشهد إلى آخر أو من زاوية إلى زاوية تانية حسب كتابة المشهد أو حسب عدد الـ Shots.

🎥 العنصر السادس: THE CHARACTER

وده بيكون أول ظهور للبطل في السيناريو والبطل ده مش شرط يكون شخص ممكن جدّا يكون البطل كلب زي الكلب Roy في فيلم الشموع السوداء وأنه له دور فعّال.

🎥 العنصر السابع: THE DIALOGUE

الحوار، معظم الناس كانت فاكرة أنه أول حاجة لازم نبدأ بيها ولكن الحوار جه في سابع خطوة لأنه من غير التمهيد ده كله الحوار هيكون مجرد كلام ملوش دلالة ولا معنى لو مش معاه عناصر أخرى بتخليه حي وحقيقي على الشاشة.

ده كان #الجزء_الأول من معرفة شكل كتابة السيناريو.

لو حابب تقرأ أكتر عن الموضوع ممكن تدور على الكتب دي:

  • كيف تكتب السيناريو- صلاح أبو سيف.
  • كتابة السيناريو للسينما- دوايت سوين.
  • كتاب ﻓﻦ ﻛﺘﺎﺑﺔ ﺍﻟﺴﻴﻨﺎﺭﻳﻮ- ﺗﺄﻟﻴــﻒ :ﻓﺮﺍﻧـﻚ هارو.
  • السيناريو- سيد فيلد.
  • سيناريو اﻟﻔﻳﻠم (ﺗﻘﻧﻳﺔ اﻟﻛﺗﺎﺑﺔ ﻟﻠﺳﻳﻧﻣﺎ)- ﺑروﻧﻝ أدرﻳﺎن.
  • قواعد اللغة السينمائية- دانييل اريخون.
  • إعداد البرامج الوثائقية- أيمن عبدالحليم نصار.
  • جان كوكتو على شاشة السينما- رينيه جيلسون.
  • الهوية القومية في السينما العربية- مجموعة مؤلفين.
  • كتاب كتابة سيناريو الأفلام القصيرة- بات كوبر وكين دانسايجر.

ترك الرد

Please enter your comment!
Please enter your name here