سمعت أنك تجيد طلاء المنازل | خطة محتوى فيلم The Irishman على طريقة Netflix

جريمة المحتوى الكاملة تبدأ من التخطيط الجيد

0
768
The Irishman content strategy by Netflix
The Irishman content strategy by Netflix

 I heard you paint houses 

الرسم بالكلمات لا يختلف عن الرسم بالدهانات ولكن في حالة فيلم The Irishman تسقط كل التوقعات! 

فيلم الأيرلندي فيلم ملحمي لـ Martin Scorsese واللي صنفه البعض أنه من الممكن أن يكون آخر أعماله الفنية من ناحية الجانب الإبداعي. 

عادة إحنا في ذا كوبي رايتر بنحب نهدى على الفيلم لحد اما يستوي ونعرف آراء أكتر من الناس، بس الفيلم ده كسر كل قواعدنا. 

بجانب قصة الفيلم الرائعة اللي استغرقت 3 ساعات ونص من المشاهدة بدون ملل، فيه قصص تانية كتير محدش عارفها عن الفيلم ده. 

خلينا نكتبها بطريقة ترتيب لحكاية الفيلم بأسلوب سردي في 3 مراحل: قبل وأثناء وبعد صناعة الفيلم. 

قبل صناعة الفيلم: قصة مثيرة لرجل المافيا 

التحضير للفيلم كان عن طريق أنه في أحد الأيام وقع كتاب مثير للجدل في أيد روبرت دي نيرو لما كان بيحضر للكتابة عن سيرة حياة قاتل مأجور واسم الكتاب ده I heard you paint houses المنشور عام 2004 عن قصة حياة فرانك شيران، أحد القتلة المأجورين ضمن منظمة رجال المافيا العالمية La Cosa Nostra

بعدها تواصل روبرت دي نيرو مع صديقه في الفيلم والمافيا واقنعه بتصوير الفيلم ده وبالفعل بعد كتابة استمرت لمدة عشر سنوات، بدأ تصوير فيلم The Irishman. 

أثناء صناعة الفيلم: انتصار إبداعي لسكورسيزي 

كتابة السيناريو الفعلي بدأ في 2010 واخد 9 سنين علشان يظهر للنور وده لأن بعض الجهات الإنتاجية رفضت أنها تنتجه نظراً لضخامة الميزانية، ولكن تحمس Brad Grey، مدير استديوهات Paramount ودي كانت بمثابة أمل جديد للفيلم. 

“ولكن لم يكن يعلم أن فرحته لن تكتمل” – بصوت محي اسماعيل 

مشي براد من بارامونت واخد قلبنا وقلب مارتن معاه لأن الشركة تراجعت عن إنتاج الفيلم وهنا يأتي دور ذروة الأحداث. 

ذروة الحدث: ابيع نفسي لـ Netflix ولا لأ؟ 

المثل بيقولك إيه نص العمى ولا العمى كله، فقرر يعرض الفيلم على نت فليكس بالرغم من معرفته أنهم ضد العرض السينمائي وأن نظام شغلهم مبني على Streaming Business Model أكتر من كونه BOX OFFICE movie.  

وقد كان وافقت شركة Netflix بمبلغ ضخم يقدر بـ 160 مليون دولار على إنتاج الفيلم، فيلم مدته 3 ساعات ونص عن موضوع واحد وهو حياة رجال المافيا وولائهم لبعضهم في صورة وصوت وحوار ليس لهم مثيل. 

بعد صناعة الفيلم: إشادة واحترام جمهور Netflix 

وهنا نحب نوجه رسالة حارة من قلبنا للكلاينت صديق الكريتيف

“كن مثل Netflix ولا تكن مثل Paramount” 

ليه بنقول كدة؟ لأن نت فيلكس من وجهة نظر التسويق “لعبتها صح” جدًا مع فيلم The Irishman. 

ظهور نت فليكس ظهور قوي مع شركات عالمية بتقدم محتوى وخدمة Streaming Service وهي قائمة في المقام الأول على زيادة عدد الـ Subscribers وإنتاج محتوى تفاعلي يحفز دائمًا شهوة المشاهد إلى المزيد من الحبكات الدرامية والصورة المعبرة عن الحدث وظهور نجوم معروفين ولكن بشكل مختلف عن أي منصة أو شركة إنتاج أخرى. 

إيه هي الـ Content Strategy لنت فيلكس؟ 

 في حوار تابع لقناة CNBC مع Rich Greenfield عن المحتوى في الـ Holiday Season، قال أن المشاهد أو في حالتنا كـ مسوقين Consumers، بقى عندهم مساحة أكبر لمشاهدة المحتوى المناسب ليهم في التوقيت والمكان المناسب ليهم من غير اعلانات ولا محتوى مكرر وقديم على نفس القنوات أو في قاعات السينما لأن ملهاش بديل. 

وقال أن منصات زي Disney+ لازم تعيد التفكير في المحتوى الخاص بيها لأن في المستقبل نجوم زي مارتن سكورسيزي وغيره من النجوم هيلجأوا مباشرة إلى منصات زي نت فليكس أو Apple TV  علشان يحققوا نسبة مشاهدة أعلى ويبعدوا عن ثقافة Pop corn culture اللي بتروج ليها قاعات السينما لتحقيق مكاسب على حساب المشاهد. 

ليه نت فليكس كانت جريئة جدًا في تسويق فيلم The Irishman؟ 

المرحلة الأولى :”الجرأة حلوة مفيش كلام”

بالرغم أننا عايشين في عالم متطور كل يوم، إلا أننا لسه محتفظين بعادات وتقاليد تسويق قديمة وماشية جمب الحيط، لو جيت سألت حد من عملاقة الديجتال إيه هي المدة المحددة اللي بيستمتع بيها المشاهد وهو بيشوف فيلم هيقولك حسب آخر دراسة اتعملت، المدة من 30 دقيقة إلى ساعة للحلقة الواحدة هيكون عظيم جدًا. 

والمشكلة انه بيكلمك بثقة، فجه فيلم The Irishman ودمر سقف التوقعات والإحصائيات بفيلم مدته 3 ساعات ونص واللي كانت صدمة لينا أول ما شوفنا مدته، بس لو قدرت تتابع سلوك المشاهدين هتلاقي أنهم مستعدين يشوفوا مسلسل كامل Back-To-Back علشان أحداث المسلسل شدهم وده اللي حصل مع فيلم The Irishman

المرحلة الثانية :”بانج بانج .. The Irishman is coming”

الإعلان التشويقي لفيلم The Irishman كان في يوم 24 فبراير 2019، لما لقت نت فليكس فرصة عظيمة في أنها تعلن عن الفيلم في أهم حدث سينمائي The Oscars في دقائق تشويقية سريعة عن أبرز نجوم العمل: 

Scorsese. De Niro. Pacino. Pesci.

The Irishman, a story of a lifetime

Watch now on @netflix

إعلان 33 ثانية لـ فيلم 3 ساعات ونص، بس كده أومال أنت فاكر إيه؟

ورسالتنا هنا مش للكلاينت بس، ده كمان لكاتب المحتوى أو المسوق اللي لازم يحدد ويعمل استراتجي واضحة بتواريخ محددة، حد شايف فرق كام شهر بين الإعلان التشويقي وميعاد عرض الفيلم؟ 

ومش بس كدة بعد نزول الإعلان التشويقي الأول، نزل اتنين كمان واحد في شهر يوليو والتاني في شهر سبتمبر من منطلق المثل “شوق وشوية شوية هندوقك” 

كمان كانت وسائل التواصل الإجتماعي جاهزة علشان تستقبل الجماهير وتفكرهم بميعاد قدوم الفيلم مع توثيق كل حسابات فيسبوك وانستجرام وتويتر. 

المرحلة الثالثة: Experiential Marketing 

أنك تجذب انتباه المشاهدين من خلال الإعلان التشويقي ده شيء معروف، بس أنك تعيشهم مود الفيلم ده اللي بيخلّي التجربة متتنسيش. 

وتعريفًا لمصطلح الـ Experiential Marketing هو: 

Experiential marketing is a strategy that engages consumers using branded experiences.

وده  اللي عملته نت فليكس من خلال إعادة إحياء حي في مدينة نيويورك يطلق عليه “Little Italy” واللي بتدور احداثه عن حياة الـ Italians Americans بالعودة للزمن لسنة 1975، بحيث أنك تقدر تجرب وتشوف مشاهد من الفيلم كأنك رحت زورت مكان وقوع الأحداث في وقتها وده في عالم التسويق يمسى 360 MARKETING CAMPAIGN. 

المرحلة الرابعة: مرحلة عرض الفيلم 

يا ترى نعرضه سينما ولا على منصتنا؟! 

سؤال محير بس مش مع Risk Taker زي نت فليكس، لأن مع ميزانية ضخمة تأتي اختيارات أكثر متعة. 

نت فليكس قررت أنها هتعرض الفيلم يوم 1 نوفمبر في السينما وهتعرض الفيلم بعد اليوم ده بأقل من 27 يوم على منصتها واللي كانت سبب لرفض كثير من السينمات لعرض الفيلم لأنه مش هيحقق الإيرادات المتوقعة في الفترة القصيرة دي، واللي تنص على عدم عرض الفيلم في أي منصة قبل 90 يوم من عرضه الأول في السينمات.  

وفي الحالة دي هما طبقوا حاجة إحنا دايمًا بنستخدمها في كتابة أي كوبي تسويقية Sense of urgency i هو تهافت المشاهدين محبي قاعات السينما على الفيلم قبل انتهاء عرضه في هذه المدة الصغيرة ومتابعته في الشاشة الصغيرة على منصة نت فليكس. 

واخيرًا “I heard you paint houses” صح؟! 😀 

  

ترك الرد

Please enter your comment!
Please enter your name here